Xedea
Zerbitzu-emaileak, webgunearen arduradunak, erabiltzaileen eskura jartzen du dokumentu hau, zeinaren bidez bete nahi baititu Informazioaren Gizartearen eta Merkataritza Elektronikoaren (IG-MEZL) Zerbitzuen 34/2002 Legean xedatutako betekizunak, eta, halaber, jakinarazi webgunearen erabiltzaileei zein diren webgunearen erabilera-baldintzak.
Webgunera sartzean, erabiltzaileak onartzen du osotasunez ulertzen dituela erabilera-baldintza orokor hauek, eta onartu egiten dituela. Erabiltzaileak konpromisoa hartzen du webgunea eta bertan eskaintzen diren zerbitzuak ez erabiltzeko legez kanpoko jardueretarako, eta une oro errespetatzeko baldintza orokor hauek. Zerbitzu-emaileak edozein unetan eragotz dezake webgunerako sarbidea, baldin eta legearen, fede onaren edo baldintza orokor hauen kontrako erabilera hautematen badu.
Zerbitzu-emaileak beretzat gordetzen du webgunean ager daitekeen edozein informazio-mota aldatzeko eskubidea, eta ez du erabiltzaileei aldaketa horien berri emateko obligaziorik; nahikoa izango da webgune honetan argitaratzea.
Zerbitzu-emaileari buruz
Webgunearen zerbitzu-emaileak bere identifikazio-datuak ematen dizkie erabiltzaileei, erabiltzailearen konfiantza eta harekin dituen harremanak hobetzeko.
Enpresaren izena: MONTTE, S.L.
Izen komertziala: MONTTE
Enpresaren helbidea: Carretera Beasain-Zumarraga, Pab. 20 (Pol. Gudugarreta), 20200, Beasain, Gipuzkoa, España.
IFK/IFZ: B20062295
Telefonoa: 943888800
Faxa: 902108888
h.el.: lopd@montte.com
Erregistroan inskribatua: 1/2004/3.586,0 / Tomo: 1175 / Hoja: SS-3620 / Incrip.: 19" / Diario: 62 / Libro: 0 / Asiento: 3087 / Folio: 211
Domeinu-izenak:
montte.org
montte.net
montte.com
montteonline.com
montte.es
montte.tv
montte.biz
montteprojects.com
montte.eus
monttesupplies.com
monttetech.com
IP helbideak
Webguneko zerbitzariek automatikoki detekta dezakete erabiltzaileak baliatutako IP helbidea eta domeinu-izena. Internetera konektatzean ordenagailuari automatikoki esleitzen zaion zenbakia da IP helbidea. Informazio hori guztia zerbitzariaren jarduera-fitxategi batean erregistratzen da; fitxategia behar bezala inskribatua dago eta gero datuok prozesatzeko aukera ematen du. Hala, neurketa estatistikoak egin daitezke, hau jakiteko, besteak beste: orriak zenbat aldiz inprimatu diren, web-zerbitzuetara egindako bisita-kopurua, bisiten ordena, sarbide-puntua eta abar.
Segurtasuna
Zerbitzu-emaileak beharrezko diren neurri teknikoak eta antolakuntzakoak hartu ditu tratatzen dituen datu pertsonalen segurtasuna eta osotasuna bermatzeko, bai eta haiek galtzea, aldatzea eta/edo baimenik gabeko hirugarrenek haiek eskuratzea eragozteko ere. Industrian, oro har, informazioaren segurtasuna bermatzeko onartzen diren teknikak erabiltzen ditu webguneak, hala nola suebakiak, sarbide-kontroleko mekanismoak eta mekanismo kriptografikoak, betiere datuak baimenik gabe eskuratzea eragozteko helburuarekin. Horretarako, erabiltzaileak/bezeroak onartzen du zerbitzu-emaileak datuak lortzea, sarbide-kontrolek autentifika ditzaten.
Erantzukizuna
Zerbitzu-emaileak ez du bere gain hartzen webgunean argitaratutako informaziotik eratorritako erantzukizunik, baldin eta informazio hori kanpoko hirugarren batek manipulatu edo sartu badu (esate baterako, foroetan, txatetan, blogetan, iruzkinetan eta abar). Nolanahi ere, eta LSSI-CE legeak agintzen duenez, zerbitzu-emailea erabiltzaile, agintari eta segurtasun-indarren eskura jartzen da edukiak ezabatzeko edo blokeatzeko, baldin eta eduki horiek estatuko edo nazioarteko legeari eragiten badiote edo hura urratzen badute, edo hirugarrenen eskubideei edo moralari eta ordena publikoari kalte egiten badiote; horrelakoetan, agintari eskudunei jakinaraziko die, beharrezkoa bada.
Baldin eta erabiltzaileak uste badu sailkapen horretan sar daitekeen edukirik egon daitekeela webgunean, webgunearen administratzaileari jakinarazi behar dio berehala.
Webgune hau berrikusi eta probatu da, behar bezala funtziona dezan. Arazorik ezean, urteko 365 egunetako 24 orduetan behar bezala funtzionatuko duela bermatu daiteke. Alabaina, zerbitzu-emaileak ez ditu baztertzen programazio-erroreak, edo ezinbesteko arrazoiak, hondamendi naturalak, grebak edo antzeko gertaerak suertatzea, zeinek ezinezko egingo balukete web-orrian sartu ahal izatea.
Jabetza intelektuala eta industriala
Webgune hau, barnean harturik (adibideak dira, ez murriztapenak) haren programazioa, edizioa, konpilazioa, diseinuak, logotipoak, testua eta/edo grafikoak, webgunearen arduradunaren jabetzakoak dira, eta jabetza intelektualari eta industrialari buruzko estatuko eta nazioarteko legediak babesten ditu. Webgunean sartzeak ez dio ematen erabiltzaileari inolako jabetza-eskubiderik haien gain.
Jabetza intelektualaren eta industrialaren legeak behar bezala babesten ditu webguneko eduki guztiak, eta, orobat, erregistro publikoetan inskribatuta daude.
Zernahitarako eginak izan direla ere, aldez aurretik zerbitzu-emailearen baimen idatzia behar da osorik edo partez erreproduzitzeko, erabiltzeko, ustiatzeko, banatzeko eta komertzializatzeko. Zerbitzu-emailearen aurretiazko baimenik gabe erabiltzea egilearen jabetza intelektualaren edo industrialaren eskubideen urraketa larritzat hartuko da.
Zerbitzu-emailearenak ez diren webguneko diseinu, logotipo, testu eta/edo grafikoak beren jabeenak dira, eta haien ardura dira eduki horiei buruz sor daitezkeen eztabaidak. Zerbitzu-emaileak onartzen ditu titularrei dagozkien jabetza industrialaren eta intelektualaren gaineko eskubideak; alabaina, horrek ez du esan nahi elementu horiek webgunean aipatze edo azaltze hutsagatik zerbitzu-emaileak haien gaineko eskubiderik edo erantzukizunik duenik, ez eta babesik, laguntzarik edo gomendiorik ematen dienik ere.
Jabetza intelektualaren edo industrialaren eskubideak urratzeari buruzko oharrak egiteko, bai eta webguneko edozein edukiri buruzkoak ere, helbide elektroniko hau balia daiteke: lopd@montte.com .
Datu pertsonalen babesa
MONTTE SL enpresak, datuen tratamenduaren arduraduna den aldetik, jakinarazten dizu zure datuak xede hauetarako bilduko direla: enpresaren web orrian eskuragarri dauden harremanetarako inprimakien bidez lortutako izaera pertsonaleko datuak biltzea eskatzailearekin harremanetan jartzeko eta merkataritzako jakinarazpenak igortzeko. Datuak tratatzeko oinarri juridikoa interesdunaren onespenean datza. Zure datuak ez dira hirugarrengoei lagako, legez horretara behartzen den kasuetan izan ezik. Edonork du bere datu pertsonaletara sartzeko, horiek zuzentzeko, ezabatzeko, horien tratamendua mugatzeko, aurka jartzeko edo eramatea eskatzeko eskubidea, horretarako, baliatu nahi duen eskubidea zein den adieraziz helbide honetara idatzita: lopd@montte.com
Nor da zure datuen arduraduna?
Europako Parlamentuaren eta Kontseiluaren 2016/679 (EB) Erregelamenduan xedatutakoarekin bat, jakinarazten dizugu emandako datu pertsonalak MONTTE SL enpresak, B20062295 IFK zenbakia duenak, erabiliko dituela. Montte SLren helbidea: Beasain-Zumarraga errepidea, 20. pab. (Gudugarreta ind.), 20200 Beasain (Gipuzkoa).
Zer xederekin erabiltzen ditugu zure datu pertsonalak?
Zuk emandako datuak beharrezkoak dira eskatutako zerbitzua berme guztiekin eman ahal izateko eta xede hauetarako erabiliko dira: enpresaren web orrian eskuragarri dauden harremanetarako inprimakien bidez lortutako izaera pertsonaleko datuak biltzea eskatzailearekin harremanetan jartzeko eta merkataritzako jakinarazpenak igortzeko.
Noiz arte gordeko ditugu zure datuak?
Emandako datu pertsonalak interesdunarekin harremanetan jartzeko beharrezkoak izan daitezkeela uste dugun bitartean gordeko dira.
Zein da zure datuak erabiltzeko legitimazioa?
Zure datuak erabiltzeko lege-oinarria gure erakundearekin harremanetan jartzean emandako onespena izango da.
Zer hartzaileri jakinaraziko zaizkio zure datuak?
Zure datuak ez dira hirugarrengoei lagako, legez horretara behartzen den kasuetan izan ezik.
Zein dira zure eskubideak datu pertsonalak ematen dizkiguzunean?
Edonork du bere datu pertsonaletara sartzeko, horiek zuzentzeko, ezabatzeko, horien tratamendua mugatzeko, aurka jartzeko edo eramatea eskatzeko eskubidea, horretarako, baliatu nahi duen eskubidea zein den adieraziz gure bulegoetako helbidera idatzita.
Era berean, edozein unetan kendu ahal izango du datuak erabiltzeko emandako baimena. Baimena kentzeak ez dio eragingo onespena kendu aurretik egindako tratamenduaren zilegitasunari.
Datu pertsonalen babesari dagokionez zure eskubideak urratu direla uste baduzu, kontrol-agintaritzaren aurrean erreklamazioa aurkezteko eskubidea izango duzu.
Aplikatu beharreko legea eta jurisdikzioa
Webgune honekin edo hemen egiten diren jarduerekin lotutako eztabaida eta galdera guztiak ebazteko, Espainiako legedia aplikatuko da. Bi aldeek berariaz onartzen dute hori, eta erabilerarekin lotutako edo hortik eratorritako desadostasun guztiak ebazteko, Donostiako epaitegietara eta auzitegietara joko da.
Dokumentu honetako edozein klausula baliogabetuz gero, gainerako klausulak indarrean jarraituko dute, eta aldeen borondatea eta baldintza hauen helburua kontuan hartuta interpretatuko dira. MONTTE, S.L.k aukera izango du dokumentu honetan onartzen zaizkion eskubide eta ahalmen batzuk ez erabiltzeko; horrek, hala ere, ez du esan nahi uko egiten dienik, baldin eta MONTTE, S.L.k berariaz hala onartzen ez badu.